თბილისში, ატენის ქუჩაზე, 20 ნომერში მკვლელობა მოხდა. დაუდასტურებელი ინფორმაციით, ახალგაზრდა კაცმა ჯერ დედა და და მოკლა, შემდეგ კი თავი მოიკლა. ცხედრები მეზობლებმა აღმოაჩინეს, მათი აზრით, მკვლელობა ყოფით ნიადაგზე მოხდა.
უკვე სახელდება ახალგაზრდა, რომელსაც ეს დანაშაული მიეწერება – იგი ლევან აბაშიძეა, 25 წლამდე ასაკის მამაკაცი, ხოლო მისი მსხვერპლნი დედა- ირინე გედევანიშვილი და და თაკო აბაშიძე არიან.
ირკვევა, რომ ლევან აბაშიძეს დასთან კონფლიქტი ჰქონდა და სწორედ ამას მოყვა უბედური შემთხვევა. თუმცა, ახლობლები დეტალებზე არ საუბრობენ.
მათივე თქმით, ლევანი ლონდონში სწავლობდა და საქართველოში რამდენიმე თვის წინ დაბრუნდა.
შსს-ში ამ დროისთვის დეტალებზე არ საუბრობენ და ამბობენ,რომ დაწყებულია გამოძიება სისხლის სამართლის კოდექსის 109-ე და 236-ე მუხლებით, რაც ერთი ან მეტი პირის განზრახ მკვლელობასა და ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარებას გულისხმობს.