“ევროპული საქართველოს” წევრის გიგი უგულავას თქმით, პარლამენტთან დღევანდელ აქციაზე კიდევ ერთხელ მოითხოვენ რიგგარეშე პროპორციული არჩევნების ჩატარებას გარდამავალი მთავრობის პირობებში.
“რიგგარეშე პროპორციული არჩევნები, გარდამავალი მთავრობა სრულიად რეალისტურია, თუ მოვახერხებთ, რომ მოღალატე მთავრობა და პარლამენტი იყოს დისფუნქციური.ეს არის აბსოლუტურად კანონიერი, კონსტიტუციური. თუ შევუშვებთ კობახიძეს, ოქრიაშვილს და მსგავს ნაგვებს პარლამენტში, ისინი ხვალ დაგვინიშნავენ უვადო მოსამართლეებად იმ მონსტრებს, რომლის განხილვაც ვიხილეთ. ხელისუფლება რეაგირებს შიშზე. ჩვენ ვნახეთ შეშინებული ივანიშვილი. ჩვენი შეცდომა იყო, რომ მას, როგორც ადამიანს, ვენდეთ და ამ შეცდომას აღარ დავუშვებთ. შეშინებული ვირთხა უნდა გყავდეს მომწყვდეული. სხვა შემთხვევაში ის დაანგრევს ქვეყანას” – აღნიშნა უგულავამ.