„ხაზგასმით მინდა ვთქვა, არანაირი პრეტენზია არ მაქვს ცალკეული პოლიცილების მიმართ, იმიტომ, რომ დღეს მათ არჩევანი არ აქვთ. „ქართული ოცნება“ აიძულებს, რომ მათ ემსახუროს და არა ქვეყანას. „ქართულ ოცნებას“ მაქსიმალურად შევუქმნით დისკომფორტს.ჯარს გამოიყვანენ?! ბოლომდე შევასკდებით. ქვეყანას სჭირდება, რომ ეს ხალხი წავიდეს, სადამდეც შევძლებ, ბოლომდე ვიჭიდავებ“, – განაცხადა ელენე ხოშტარიამ, რომელიც ქართული ოცნების ოფისთან მიმდინარე აქციაზე იმყოფება.
ქართული ოცნების ოფისში 11:00 საათისთვის უმრავლესობის სხდომა იყო ჩანიშნული, სადაც მოქალაქეები გასაპროტესტებლად მივიდნენ. ისინი წინა თუ უკანა შესასვლელიდან შესულ დეპუტატებს “მონის” სკანდირებით აცილებენ.
მმართველი გუნდის ოფისთან დიდი რაოდენობით სამართალდამცველები არიან მობილიზებულები.