მთავარისიახლეებისაზოგადოებასოფელ მირზაანის რწმუნებულის შვილი, რომელიც თოფით დაჭრეს, მართვით სუნთქვაზეა

სოფელ მირზაანის რწმუნებულის შვილი, რომელიც თოფით დაჭრეს, მართვით სუნთქვაზეა

Published on

კახეთის სოფელ მირზაანის რწმუნებულის, აკაკი თარაშვილის, შვილი, რომელიც 1 ნოემბერს სანადირო იარაღით დაჭრეს, რეანიმაციაშია მოთავსებული და ის ამ დრომდე მართვით სუნთქვაზეა. 

ღუდუშაურის კლინიკის ექიმის, მამუკა კაპანაძის, თქმით, 31 წლის კობა თარაშვილის მდგომარეობა ამ ეტაპზე მეტ-ნაკლებად სტაბილურია, თუმცა ის მკურნალობას ინტენსიური თერაპიის განყოფილებაში აგრძელებს. 

“რაც შეეხება ამპუტაციის საკითხს, ამის საჭიროება ჯერჯერობით არ დგას,”- ამბობს კაპანაძე მედიასთან. 

ექიმისვე თქმით, პაციენტს მარჯვენა ზედა კიდურზე ოპერაცია გუშინ გვიან ღამით ჩაუტარდა. 

სამართალდამცველებმა თარაშვილის დაჭრაში ბრალდებული მომხდარიდან მალევე დააკავეს. შინაგან საქმეთა სამინისტროს ინფორმაციით, დანაშაულის ჩადენის იარაღი, სანადირო თოფი მათ ნივთმტკიცების სახით ამოიღეს. 

“გამოძიებით დადგინდა, რომ 1963 წელს დაბადებულმა პ.მ-მ, ყოფით თემაზე დაწყებული ურთიერთშელაპარაკების შემდეგ, 1987 წელს დაბადებულ კ.თ.-ს ცეცხლსასროლი იარაღიდან გასროლით ჯანმრთელობის დაზიანება მიაყენა. დაშავებული საავადმყოფოშია გადაყვანილი. ბრალდებული აღიარებს ჩადენილ დანაშაულს” – აცხადებს შსს.

გამოძიება სსკ-ის 117-ე მუხლის პირველი ნაწილით დაიწყო, რაც ჯანმრთელობის განზრახ მძიმე დაზიანებას გულისხმობს. 

სიახლეები

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან - ინფორმაციას ჟურნალისტი არიელ ჰელვანი...

პაპუაშვილი-დღეს ევროკავშირი გადართულია საქართველოს დაზიანების კურსზე

დღეს ბრიუსელი ცდილობს რომ დააზიანოს საქართველო ყველანაირად - ეკონომიკურად, პოლიტიკურად, სოციალურად დააზიანოს ქართველი ხალხი,...

ევროკავშირი შავი ზღვის უსაფრთხოების ჰაბის შესაქმნელად 50 მლნ ევროს გამოყოფს

ევროკავშირი სამოქალაქო გემებზე თავდასხმების გახშირების ფონზე, რუმინეთ-ბულგარეთის ერთობლივი შავი ზღვის საზღვაო უსაფრთხოების ჰაბის შექმნის...

ჟურნალისტ გურამ როგავაზე თავდასხმაში ბრალდებულ სპეცრაზმელს 5-წლიანი პატიმრობა მიესაჯა

ჟურნალისტ გურამ როგავაზე 2024 წლის საპროტესტო აქციაზე თავდასხმაში ბრალდებულ სპეცრაზმელს, გურამ კირკიტაძეს, 5-წლიანი პატიმრობა...