მთავარისიახლეებიპოლიტიკაელიზაბეთ რუდი - დე ფაქტო ხელისუფლებას და რუსეთის ფედერაციას მოვუწოდებთ, დაკეტილი გამშვები...

ელიზაბეთ რუდი – დე ფაქტო ხელისუფლებას და რუსეთის ფედერაციას მოვუწოდებთ, დაკეტილი გამშვები პუნქტები გახსნან

Published on

დე ფაქტო ხელისუფლებას და რუსეთის ფედერაციას მოვუწოდებთ, დაკეტილი გამშვები პუნქტები გახსნან, – ასე გამოეხმაურა საქართველოში აშშ-ის ელჩის მოვალეობის შემსრულებელი ელიზაბეთ რუდი ოკუპირებულ ცხინვალის რეგიონში, კერძოდ ახალგორში არსებულ ვითარებას.

„ამერიკის შეერთებული შტატები ღრმად არის შეშფოთებული განვითარებული სიტუაციით და გამშვები პუნქტების ჩაკეტვით. რა თქმა უნდა, კიდევ ერთ-ერთი ტრაგიკული შემთხვევა იყო მარგო მარტიაშვილის გარდაცვალება და ის შეემატა იმ ტრაგიკულ გარდაცვალებათა სიას, სადაც არის ოთხოზორია, ტატუნაშვილი, კვარაცხელია, ბაშარული.

ჩვენ მოვუწოდებთ დე ფაქტო ხელისუფლებას და რუსეთის ფედერაციას, რომ მოახდინონ ამ გამშვები პუნქტების გახსნა და არა მხოლოდ გახსნა, არამედ მოხდეს ნების დართვა, რომ განხორციელდეს ჰუმანიტარული დახმარება, ამ დახმარებაზე ხელმისაწვდომობა და ზოგადად ადამიანის უფლებათა დაცვის ორგანიზაციების ხელმისაწვდომობა და შესვლა ამ ადგილებში იმისთვის, რომ გაეცეს პასუხი არსებულ მდგომარეობას და ადამიანის უფლებათა დარღვევებს“, – განაცხადა ელიზაბეთ რუდმა.

ახალგორის მუნიციპალიტეტის გამგებელი ნუგზარ თინიკაშვილი აცხადებს, რომ ოკუპირებული ახალგორის მიმართულებით ე.წ. გამშვები პუნქტის ჩაკეტვის გამო, 70 წლის ქალს ცხინვალში სათანადო სამედიცინო დახმარება ვერ გაეწია და გარდაიცვალა.  მისი ინფორმაციით, მარგარიტა მარტიაშვილი, რომელიც სოფელ იკოთში, დაბა ახალგორიდან ოთხ კილომეტრში ცხოვრობდა, შეუძლოდ გახდა, ის  ახალგორის საავადმყოფოში გადაიყვანეს. „ბუნებრივია იქ არანაირი პირობა არ არსებობს კვალიფიციური სამედიცინო დახმარების აღმოსაჩენად. თხოვნის და მოთხოვნის მიუხედავად, მაინც უარი უთხრეს გადმოყვანაზე, გადაიყვანეს ცხინვალში და იქ გარდაიცვალა“, – განაცხადა თინიკაშვილმა.

სიახლეები

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან - ინფორმაციას ჟურნალისტი არიელ ჰელვანი...

პაპუაშვილი-დღეს ევროკავშირი გადართულია საქართველოს დაზიანების კურსზე

დღეს ბრიუსელი ცდილობს რომ დააზიანოს საქართველო ყველანაირად - ეკონომიკურად, პოლიტიკურად, სოციალურად დააზიანოს ქართველი ხალხი,...

ევროკავშირი შავი ზღვის უსაფრთხოების ჰაბის შესაქმნელად 50 მლნ ევროს გამოყოფს

ევროკავშირი სამოქალაქო გემებზე თავდასხმების გახშირების ფონზე, რუმინეთ-ბულგარეთის ერთობლივი შავი ზღვის საზღვაო უსაფრთხოების ჰაბის შექმნის...

ჟურნალისტ გურამ როგავაზე თავდასხმაში ბრალდებულ სპეცრაზმელს 5-წლიანი პატიმრობა მიესაჯა

ჟურნალისტ გურამ როგავაზე 2024 წლის საპროტესტო აქციაზე თავდასხმაში ბრალდებულ სპეცრაზმელს, გურამ კირკიტაძეს, 5-წლიანი პატიმრობა...