საოკუპაციო რეჟიმის მორიგი მსხვერპლი ქალი, რომელიც ოკუპირებული ცხინვალის რეჟიმის მიერ დაწესებული შეზღუდვების გამო თბილისის კონტროლირებად ტერიტორიაზე ვერ გადმოიყვანეს, გარდაიცვალა.
აღნიშნულთან დაკავშირებით, პოლიტიკური შეფასებები უკვე გაკეთდა. როგორც შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა მედიასთან განაცხადა, ეს არის ტრაგედია და მოსახლეობა ძალიან კრიტიკულ მდგომარეობაში იმყოფება.
“მოსახლეობისთვის არის სასიცოცხლოდ მნიშვნელოვანი ახალგორის გადასასვლელი, სიკვდილ-სიცოცხლის საქმეა პირდაპირი გაგებით. დიახ, ძალიან კრიტიკულ მდგომარეობაში გახლავთ მოსახლეობა, ეს ტრაგედია არ არის ერთადერთი, ეს ტრაგედია არ არის ერთადერთი საუბედუროდ და მოსახლეობას სჭირდება გადაადგილება როგორც ამ ქალბატონს და მის ოჯახს. ეს არის ნამდვილად საოკუპაციო რეჟიმის მორიგი მსხვერპლი. დღესაც მოვუწოდებ ყველას, დაუყოვნებლივ და უპირობოდ გახსნან ახალგორის გადასასვლელი” – განაცხადა ქეთევან ციხელაშვილმა.