ზუგდიდში საქართველოს მესამე პრეზიდენტის, მიხეილ სააკაშვილის წიგნის ,,ძალის გამოღვიძება” – პრეზენტაცია გაიმართება. ინფორმაციას სოციალურ ქსელში “ერთიანი ნაციონალური” მოძრაობის წევრი მაია კალანდია ავრცელებს. კალანდიას ინფორმაციით, პრეზენტაციას დაესწრება ქალბატონი სანდრა-ელისაბედ რულოვსი. წიგნი პირველად უკრაინაში გამოიცა, მისი ქართულენოვანი ვერსია საქართველოს უნივერსიტეტის გამომცემლობამ გამოსცა.
“წიგნში საუბარია მიხეილ სააკაშვილის ოჯახზე, იმ გარემოებებზე, რომლებმაც შექმნეს რევოლუციური ვითარება 2003 წელს, თავისი გუნდის ძალაუფლებაში მოსვლაზე.
წიგნში ასევე არის საუბარი იმ რადიკალურ რეფორმებზე, რომელიც გუნდის მმართველობის 10 წლის განმავლობაში განხორციელდა. ამასთანავე მიხეილ სააკაშვილი ყურადღებას ამახვილებს არა მხოლოდ წარმატებაზე, ის წარუმატებლობასაც აფასებს. ყოველ თავში პარალელებია გავლებული უკრაინის დღევანდელ მდგომარეობასთან, რომელიც ავტორის ასევე საკუთარი გამოცდილების ნაწილია. წიგნში მოყვანილია ბევრი დეტალი, რომელიც აქამდე არ იყო ცნობილი მედიისა და ფართო აუდიტორიისათვის “- წერს მაია კალანდია
წიგნის პრეზენტაცია 28 ოქტომბერს 19:00 საათზე გაიმართება