კალიფორნიის შტატში ძლიერი ხანძრის გამო 2,000 ადამიანია ევაკუირებული, – ამის შესახებ ინფორმაციას „ბიბისი“ ავრცელებს.
შტატის ტყეების ხანძრისგან დაცვის სააგენტო აცხადებს, რომ სონომას ოლქში გაჩენილი ხანძრის ჩაქრობა ვერ ხერხდება და ძლიერი ქარის გამო ცეცხლი სამხრეთისკენ მოიწევს.
ხანძრის გამო ნახევარ მილიონ ადამიანს ელექტროენერგიის მიწოდება შეუწყდა.
სტიქიას 500 მეხანძრე საჰაერო წყლის ტანკერებისა და ვერტმფრენების საშუალებით ებრძვის.
შეგახსენებთ, კალიფორნიაში ხანძარს შარშან 100 ადამიანის სიცოცხლე შეეწირა