ანაკლიის განვითარების კონსორციუმის 4,16 პროცენტ წილს ჰოლანდიური კომპანია Van Oord International ყიდულობს. არსებული ინფორმაციით, ინფრასტრუქტურის სამინისტროში, ამ გარიგებას დათანხმდნენ. თანხა, რომლის სანაცვლოდაც Van Oord-ი კონსორციუმის 4%-იანი წილის მფლობელი ხდება, დაახლოებით 5 მილიონი დოლარია.
„ანაკლიის განვითარების კონსორციუმის“ ცნობით, Van Oord International ერთ-ერთი უმსხვილესი საზღვაო საინჟინრო კომპანიის – Van Oord Dredging & Marine Contractors BV-ს (Van Oord) 100%-იანი შვილობილი კომპანიაა. იგი ანაკლიის პროექტში ადრეული ეტაპიდან არის ჩართული
“ვან ოორდმა განახორციელა დეტალური საზღვაო-სამშენებლო კვლევები პროექტის დაწყებისას. ასევე, ვან ოორდის ADC–სთან წარმატებული პარტნიორობის მანძილზე, შესრულდა 30 მილიონი აშშ დოლარის ღირებულების დამაღმავებელი სამუშაოები, რომლების ფარგლებშიც მოხდა ანაკლიაში ნაპირის დაღრმავება მინუს 11 მეტრამდე და ამოღებული ქვიშის მასის განთავსება სამშენებლო მოედანზე” -აცხადებენ კონსორციუმში.
