ზუგდიდელი პოეტი, ტელეკომპანია “ოდიშის” სახე, ლიტერატურული გადაცემა “თეზისის” ავტორი და წამყვნი ნიკა ლაშხია ლიტერატურული პრემია “ლიტერას” გამარჯვებული გახდა. დებიუტი “დონორი” გახდა წარმატების მომტანი ახალგაზრდა პოეტისთვის, რომელიც წინანდლის პრემიის გამარჯვებულიცაა.”ლიტერას” დაჯილდოების ცერემონია თბილისში, მწერალთა სახლში გაიმართა. პრემია 2015 წლიდან ტარდება განათლების სამინისტროსა და მწერალთა სახლის ეგიდით. წლევანდელი გამარჯვებულები არიან:

რომანი – ზურაბ ქარუმიძე – „UNTERGANG – მოგზაურობა ევროპაში“, გამომცემლობა „ინტელექტი“.

პროზაული კრებული – დათო გორგილაძე – „ღმერთი სამსახურშია“, გამომცემლობა „ინტელექტი“.

პოეტური კრებული – ბექა ახალაია – „მტრედების იონა“, გამომცემლობა „ინტელექტი“.

დოკუმენტური პროზა – ნინო ლომაძე – „ვაშლის ბაღები“, გამომცემლობა „ინდიგო“.

სალომე ბენიძე, დინა ოგანოვა – „SHEROES”, გამომცემლობა წიგნები ბათუმში.

დებიუტი – ნიკა ლაშხია – „დონორი“, გამომცემლობა „ინტელექტი“ და იაგო თვალაბეიშვილი – „ტრანსმუტაცია“, გამომცემლობა პალიტრა L.

წიგნის დიზაინი – თორნიკე ლორთქიფანიძე – „100 წელი – 100 ფოტო“ , გამომცემლობა „ინდიგო“.

გამარჯვებულებს ფულადი ჯილდო, 5000 ლარი და პრიზი „ლიტერა“ გადაეცათ.