ხობის მუნიციპალიტეტის სოფელ ხამისკურში, მ.კიკალეიშვილის ორსართულიანი სახლი მთლიანად დაიწვა. საგანგებო სიტუაციების მართვის სამსახურში აცხადებენ, რომ ხანძრის შედეგად არავინ დაშავებულა. მათივე ინფორმაციით, ადგილზე ცეცხლის ლოკალიზებას სამი სახანძრო-სამაშველო ბრიგადა ცდილობდა. ხამისკურში მერის წარმომადგენლის თეიმურაზ კაკულიას ინფორმაციით, ცეცხლის გაჩენის დროს სახლში არავინ იმყოფებოდა. მისივე თქმით, სახლიდან საოჯახო ნივთებისა და ავეჯის გამოტანა ვერ მოხერხდა. ხანძრის გამომვწვევი მიზეზები, ჯერჯერობით, უცნობია.