დღეს, 10 ოქტომბერს თბილისის საქალაქო სასამართლოში TBC ბანკის დამფუძნებლების, მამუკა ხაზარაძისა და ბადრი ჯაფარიძის საქმის არსებითი განხილვა იწყება.
“ხვალიდან ბიძინა ივანიშვილის რეჟიმის მიერ მიტაცებულ სასამართლოში გადაინაცვლებს მისივე პირადი იურისტის, უდიპლომო გენერალური პროკურორის – შალვა თადუმაძის მიერ თეთრი ძაფით შეკერილი საქმე, რომელსაც არაფერი აქვს საერთო არც კანონთან, არც სამართალთან, არც საღ აზრთან!” -დაწერა გუშინ, 9 ოქტომბერს მამუკა ხაზარაძემ.
ხაზარაძის თქმით, ეს არის საქმე, რომელსაც საფუძვლად “ყოვლად აბსურდული ბრალდება” დაედო. იგი პროცესზე იწვევს საერთაშორისო საზოგადოებას, არასამთავრობო ორგანიზაციებს, მედიასა და მოქალაქეებს.
ეს პროცესი არ იქნება ჩემი და ბადრი ჯაფარიძის, ეს “ბიძინა ივანიშვილის სასამართლო პროცესი” იქნება. მობრძანდით, “რათა იხილოთ, როგორია ბიძინას სასამართლო და გაეცნოთ საქმეს, რომელიც კიდევ ერთხელ ახდის ფარდას ივანიშვილის მიერ შექმნილ ჭაობს, დალპობით რომ ემუქრება სახელმწიფოსაც და ამ სახელმწიფოში მცხოვრები ადამიანების მომავალსაც. სრული პასუხისმგებლობით ვაცხადებ – ესდასრულდება!” – წერს მამუკა ხაზარაძე.