ვინ არის თემიდა? ვინ დაწერა ,,დიდოსტატის მარჯვენა”? თადუმაძემ პასუხი არ იცის. ასე იცის 300 ლარიანმა დიპლომმა და ივანიშვილის მიმდევრობამ – არც მან იცის, რომ აკაკი წერეთელი პოეტია

0
624

არ ვიცი – ასე უპასუხა შალვა თადუმაძემ რომან გოცირიძის კითხვას, ვინ დაწერა ,,დიდოსტატის მარჯვენა” და უარესიც გენერალურმა პროკურორმა პასუხი ვერ გასცა კითხვას, რას განასახიერებს თემიდა.

ფრაქცია „ნაციონალური მოძრაობის“ თავმჯდომარემ რომან გოცირიძემ  აღნიშნული კითხვები თადუმაძეს დაუსვა პარლამენტში, სადაც გენერალურ პროკურორს უზენაესი სასამართლოს მოსამართლეობის კანდიდატის რანგში უსმენენ. გოცირიძემ სხდომაზე შალვა თადუმაძის ფრაზები წაიკითხა, რომელიც ბროშურადაა გამოცემული.

„ახლა ვციტირებ თქვენს ფრთოსან სიტყვებს: „როგორც ყველა ქართველს, მეც მეზიზღება ის ჯალათი, რომელმაც პირველი საკათედრო ტაძრის აღმშენებელს მარჯვენა მოკვეთა. მსგავსი რამ ახლა არ უნდა განმეორდეს“. დიდოსტატის მარჯვენა ვინ დაწერა?“, – მიმართა გოცირიძემ შალვა თადუმაძეს, რაზეც გენერალურმა პროკურორმა უპასუხა: „არ ვიცი“.

ამის შემდეგ გოცირიძე დაინტერესდა ამ ფრაზაში „რა მარჯვენაზეა საუბარი, ვის მოკვეთეს მარჯვენა მაშინ და ვის მოკვეთეს მარჯვენა დღეს“.

„ჩემგან გინდათ პასუხები ისეთ რაღაცებზე, რომლის კითხვებიც თქვენ არ იცით? ეგ ციტატა არის ამოღებული ისეთი საკითხიდან, რომელსაც წინ უსწრებდა მსჯელობა. ჯერ ერთი მე და თქვენ რომ ვილაპარაკოთ წარმატებული ადვოკატის საადვოკატო გამოსვლაზე, მგონი ძალიან უხერხული იქნება ჩემი მხრიდან. ეს არის საადვოკატო საქმიანობის დროს, სასამართლო დარბაზში ნათქვამი რეპლიკა, რომლის საბოლოო წინადადება არის ამოღებული. ეს რეპლიკა დაახლოებით ერთ ფურცლიანია და იქ მიდის მსჯელობა. თქვენ თუ გინდათ მე შემიმოწმოთ სასამართლო დარბაზში როგორ გამოვდიოდი, არ გამოგივათ, რადგან კარგად გამოვდიოდი“, – განაცხადა შალვა თადუმაძემ.

ფრაქცია „ნაციონალური მოძრაობის“ თავმჯდომარემ კიდევ ერთხელ გაუმეორა შეკითხვა, თუ ვის გულისხმობდა მის ფრაზაში, რაზეც თადუმაძემ განმარტა, რომ „გულისხმობდა მოსამართლეს, რომელიც იქცეოდა როგორც ჯალათი“.

კიდევ ერთი კითხვა, რომელიც ახლა ივანიშვილისა და მურუსიძის მიმართ დაისმის: რას უშვებით თემიდას და ქართულ სასამართლოს?

წინა სტატიაშალვა თადუმაძემ ვერ გაიხსენა, გიგა ოთხოზორიას მკვლელობის საქმეში რამდენი ადამიანი იყო ბრალდებული.
შემდეგი სტატიასახელმწიფო ბიუჯეტიდან ყველაზე მაღალ დაფინანსებას სამეგრელოში ზუგდიდის მუნიციპალიტეტი მიიღებს
ტელეკომპანია ოდიშის საინფორმაციო სამსახური