სამაუწყებლო კომპანია „მთავარი არხის“ ჟურნალისტებს ნორმალურად მუშაობის საშუალებას არ აძლევენ, მათ პროკურატურაში არანაკლებ ხშირად უწევთ სიარული, ვიდრე სამსახურში

გადაცემა „პოსტ ფაქტუმის“ წამყვანი, გიორგი გაბუნია პროკურატურაში გამოკითხვაზე დაიბარეს. იგი უწყებაში 7 ოქტომბერს უნდა გამოცხადდეს.

„სამაუწყებლო კომპანია რუსთავი 2″-ის კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისების და ქონების მოჩვენებითი ან/და თვალთმაქცური გარიგებით გადამალვის ფაქტზე მიმდინარე გამოძიების ფარგლებში, საქართველოს გენერალურ პროკურატურაში გამოკითხვაზე დაბარებულია გიორგი გაბუნია“, – აცხადებენ პროკურატურაში.

აღნიშნულ საქმესთან დაკავშირებით, გამოკითხვაზე პროკურატურაში „მთავარი არხის“ საინფორმაციო სამსახურის უფროსი ნოდარ მელაძეც დაიბარეს. ის უწყებაში დღეს, 5 ოქტომბერს, 11:00 საათზე უნდა გამოცხადდეს.