თურქული მედიის ცნობით, ხმელთაშუა ზღვის რეგიონში მიწისძვრა მოხდა. თურქეთის კატასტროფისა და საგანგებო სამსახურის ცნობით, მიწისქვეშა ბიძგებმა 5 მაგნიტუდა შეადგინა.
მიწისძვრის ეპიცენტრი მუგლას პროვინციიდან 58 კილომეტრში მდებარეობს.
ჯერჯერობით, ცნობები დაზარალებულთა შესახებ არ ვრცელდება.
ცნობები იმის შესახებ, რომ სტამბოლს მიწისძვრა ემუქრება, უკვე ერთ კვირაზე მეტია ვრცელდება თურქეთის მიწისძვრების ერთერთი უმსხვილესი ობსერვატორიის მიერ. ,,ჩვენ არ ვიცით, როდის მოხდება ეს, მაგრამ ბოლო დროს გააქტიურებული სეისმოლოგიური პროცესების ფონზე ეს გარდუვალი ჩანს – აცხადებდნენ ობსერვატორიაში, – მთავარია მიწისძვრა ამჯერად ისე ძლიერი არ აღმოჩნდეს, როგორც ადრე, ისტორიულად მარმარილოს ზღვაში დაფიქსირებულია 7-ბალიანი სიმძლავრის მიწისძვრა.”