,,მე ვფიქრობ რომ ის დაპირებები, რომელიც გაიცა 2012 წლის არჩევნებისთვის, უმრავლესობა მათგანი შეძლებისდაგვარად არის შესრულებული.” – განაცხადა იუსტიციის მინისტრმა თეა წულუკიანმა მთავრობის სხდომის დასრულების შემდეგ.
,,არ არსებობს პოლიტიკური დაპირებები, რომლებიც 100%-ით სრულდება, რადგან როდესაც ხარ ხელისუფლებაში, შენ რაღაცას შეძლებ, რაღაცას ვერ შეძლებ.
რაც შეეხება ეკონომიკასა და სხვა პარამეტრებს, აქ ჩვენი ქვეყნის ეკონომიკა არის ის, რაც არის. შესაძლებლობები არ არის უსაზღვრო, მაგრამ მთავარი არის ის, რომ ქართული ოცნების ხელისუფლებამ იმ ეკონომიკური შესაძლებლობების პირობებში, რაც ქვეყანას აქვს, საკუთარი მოქალაქეებისთვის გააკეთა მაქსიმუმი.”
ქართული ოცნების ხელისუფლება იყო ყოველთვის თავისი ღირებულებების გულწრფელი ერთგული. ყოველ შემთხვევაში ეს მე ჩემს თავზეც შემიძლია გითხრათ, სხვებზე რომ არ ვისაუბრო და ვალდებულებების ტვირთი, რა თქმა უნდა, ჩემი გუნდის წევრებთან ერთად, რომ ღირსეულად მეტარებინა. ”