მთავრობის დადგენილებით, აბასთუმნის ობსერვატორია ილიაუნის ჩამოერთვა და ცალკე სიპ-ად ჩამოყალიბდა. მთავრობის დადგენილების თანახმად, აბასთუმნის ობსერვატორიის კონტროლს განათლების სამინისტრო უზრუნველყოფს. სამინისტრომვე უნდა უზრუნველყოს ობსერვატორიაში უფლება-მოსილი პირის დანიშვნაც.
მთავრობის დადგენილებით, განათლების სამინისტრომ, ილიაუნთან ერთად კანონმდებლობით გათვალისწინებული ღონისძიებების განხორციელება დადგენილების ამოქმედებიდან ორი თვის ვადაში უნდა უზრუნველყოს.
პრემიერ-მინისტრის ხელმოწერილი დოკუმენტის მიხედვით, ევგენი ხარაძის ეროვნული ასტროფიზიკური ობსერვატორია ილიაუნის 2019 წლის 24 ნოემბერს გამოეყოფა.
ცნობილია, რომ აბასთუმანში ივანიშვილი დიდი ოდენობით მიწას ყიდულობს და სასახლეს აშენებს, ამიტომ გაჩნდა ეჭვი, რომ ობსერვატორიის ილიაუნის ჩამორთმევა და მისი ცალკე სიპად გადაკეთება ამ გეგმის ნაწილია.