“მთავარმა არხმა” ეკა ბესელია და კვირიკაშვილი თბილისის ერთ-ერთ კაფეში გადაიღო, არხის ჟურნალისტთან ეკა გაგუასთან საუბარში გიორგი კვირიკაშვილი ერთწლიან დუმილს არღვევს, ის საუბრობს ქვეყანაში მიმდინარე პოლიტიკურ პროცესებზე და პასუხისმგებლობას მთლიანად ბიძინა ივანიშვილს აკისრებს.
გიორგი კვირიკაშვილის თქმით, ქვეყანაში არის სახელისუფლებო კრიზისი და პასუხისმგებლობა ამაზე ივანიშვილს ეკისრება. – აცხადებს იგი.
ყოფილი პრემიერი აცხადებს, რომ არ აპირებს ქართულ პოლიტიკაში დაბრუნებას თუმცა ძალიან უკმაყოფილოა იმ ვითარებით, რაც დღეს ქვეყანაში ხდება.
“ძალიან ბევრი რამ ხდება , რაზეც შეიძლება ისაუბრო. პოლიტიკაში არ ვბრუნდები, თუმცა ძალიან ბევრი რამით ვარ შეწუხებული რაც დღეს ხდება. არ ვაპირებ ბრძოლას არც ერთი პოლიტიკური თანამდებობისთვის, მაგრამ როგორც ამ ქვეყნის მოქალაქეს და ყოფილ პრემიერ მინისტრს ყოველთვის მექნება ჩემი აქტიური მოქალაქეობრივი და პოლიტიკური მოსაზრება. რაც იყო 20 ივნისს ძალიან არ მომეწონა და გავაკეთე კიდეც განცხადება, გამოვხატე ჩემი პოზიცია. ასეთი რაღაც შეიძლება მომავალშიც მოხდეს და არასოდეს ჩუმად ყოფნას არ ვაპირებ” – აცხადებს კვირიკაშვილი.
კვირიკაშვილი ასევე უკმაყოფილოა მამუკა ხაზარაძის ირგვლივ განვითარებული მოვლენებითა და ანაკლიის პორტის საკითხით.
“ხაზარაძესთან დაკავშირებით რაც ხდება, დამაზიანებელია ქვეყნის საინვესტიციო იმიჯისთვის და ეს არის ძალიან ბევრი ადამიანის ნაშრომის წყალში ჩაყრა. რაც შეეხება იმ ამბავს, რომ წელიწადნახევრის წინ მე და ხაზარაძე რაღაცას ვაპირებდით არის მოგონილი, იმ ადამიანების, რომლებსაც ამ მითის მოგონება აწყობდა. ძალიან სამწუხაროა, ის, რო ივანიშვილმა არა მხოლოდ დაიჯერა, არამედ თავისი მთელი მოქმედებები ააგო ამ მითებზე”
კვირიკაშვილი მინიშნებას აკეთებს იმაზე, რომ ქვეყანაში არის სახელისუფლებო კრიზისი და მიიჩნევს, რომ პასუხისმგებლობა ამაზე ივანიშვილს ეკისრება.