ქართული ოცნების ინფორმაციით, პარტიის თავმჯდომარემ ბიძინა ივანიშვილმა პარტიის რეგიონალური ორგანიზაციების აქტივთან შეხვედრები დაიწყო.
პარტია ამ ინფორმაციას, ფოტოებთან ერთად, სოციალურ ქსელში ავრცელებს.
მათივე ინფორმაციითვე, პირველი სამუშაო შეხვედრა გუშინ გურიის რეგიონალური ორგანიზაციის აქტივთან გაიმართა. შეხვედრაზე რეგიონის პრობლემებსა და სამომავლო გეგმებზე ისაუბრეს.
შეხვედრას ესწრებოდნენ „ქართული ოცნების“ გურიის რეგიონული ორგანიზაციების ხელმძღვანელები, შტაბის წევრები, გურიის სახელმწიფო რწმუნებული ზურაბ ნასარაია, ლანჩხუთის, ჩოხატაურის მერები და საკრებულოს თავმჯდომარეები.