პარლამენტში დღეს უზენაესი სასამართოლს უვადო მოსამართლეობის კანდიდატს შოთა გეჭაძეს უსმენენ.
შინაგან დაძაბულობას და ღია დაპირისპირებას უმრავლესობასა და უმცირესობას შორის, რომელიც უშუალოდ კანდიდატთან იყო დაკავშირებული მთელი განვლილი დღის მანძილზე , დაერთო დაპირისპირება პარლამენტში დამოუკიდებელ დეპუტატს ბექა ნაცვლიშვილსა და “ქართული ოცნების” ერთ-ერთი ლიდერს ანრი ოხანაშვილს შორის.
დეპუტატებს შორის სიტყვიერი დაპირისპირება მოსამართლეობის კანდიდატისთვის კითხვების დასასმელად გამოყოფილ დროზე მსჯელობას მოჰყვა, უკმაყოფილების გამოხატვის შემდეგ ნაცვლიშვილმა სხდომათა დარბაზის დატოვება გადაწყვიტა, ოხანაშვილმა კი მას მიაძახა: “ბექა, წადი, წადი, შეხვედრაზე არ დაგაგვიანდეს”. აღნიშნულმა რეპლიკამ დამოუკიდებელი დეპუტატის გაღიზიანება გამოიწვია.
“წესიერებისკენ შენ ნუ მომიწოდებ, ბიჭო! ნუ აძლევ თავს ზედმეტის უფლებას! ბიჭო, შენი სასწავლებელი მე არაფერი მაქვს, პარლამენტის წევრი ვარ თუ არა. ნახე რა, თავში აუვარდა…”, – განაცხადა ნაცვლიშვილმა.