ზუგდიდელი ნანა საჯაია აშშ-ს ერთ-ერთი ყველაზე რეიტინგული ტელევიზია Fox News-ის ჟურნალისტი გახდა. ამის შესახებ მან სოციალურ ქსელში დაწერა. ნანა საჯაია „ამერიკის ხმის“ ჟურნალისტი იყო. მისი კარიერა ამერიკაში წარმატებული გამოდგა. ის Fox News-ის ვაშინგტონის ბიუროს პოლიტიკის გაშუქების პროდიუსერი გახდა.
“290 აპლიკაცია, უამრავი ინტერვიუ და 31 უარყოფითი პასუხი. საბოლოოდ კი Fox News-ის ვაშინგტონის ბიუროს პოლიტიკის გაშუქების პროდიუსერი ვარ. იღბლიანი ვარ, რომ ამ დაუჯერებელ ამბავში ჩემი გზამკვლევი იყო ნუნუ ჯაფარიძე. მადლობას ვუხდი ჩემს მეგობრებს ოკეანის ორივე მხარეს”, – წერს საჯაია.
ნანა საჯაიას მოვალეობაში პირდაპირი ჩართვებისთვის მომზადება, ინფორმაციის გადამოწმება, მიმდინარე თემისთვის თვალის მიდევნება და სხვა მნიშვნელოვანი მოვალეობა შედის.