ეროვნულ დემოკრატიული ინსტიტუტის ახალი კვლევის თანახმად, საქართველოს პარლამენტის საქმიანობას “კარგად” გამოკითხულთა მხოლოდ 8% აფასებს. ეს ინსტიტუტების დადებით შეფასებას შორის ყველაზე დაბალი მაჩვენებელია. საკანონმდებლო ორგანოს საქმიანობას საშუალოდ აფასებს 39%, ხოლო ცუდად – 42%.

ინსტიტუტებს შორის, გამოკითხულთა უმეტესობა ყველაზე კარგად ეკლესიის (74%) და იუსტიციის სახლების (57%) საქმიანობას აფასებს. მას მოსდევს ჯარი 53%-ით და პოლიცია – 42%-ით.

 ხვალ რომ საპარლამენტო არჩევნები იყოს, 41% მონაწილეობას არ მიიღებდა

NDI-ის კვლევის მიხედვით, კითხვაზე, ხვალ რომ საპარლამენტო არჩევნები ტარდებოდეს, მიიღებდით თუ არა მონაწილეობას, დადებითად 59% პასუხობს, უარყოფითად – 41%; 

ამავე კვლევის მიხედვით, 37%-ს გადაწყვეტილი აქვს, ვის დაუჭერს მხარს, 57%-ს ეს გადაწყვეტილება ჯერ არ მიუღია.

NDI-ის კვლევის მიხედვით, პარლამენტის თავმჯდომარის, არჩილ თალაკვაძის საქმიანობა “ძალიან კარგად” 1%-მა მიიჩნია 

კარგად – 9%-მა. საშუალოდ – 31%-მა. 

თალაკვაძის, როგორც პარლამენტის თავმჯდომარის საქმიანობას ძალიან ცუდად აფასებს 6%; 35%-ს –  არ აქვს პასუხი კითხვაზე; 

საველე სამუშაოები ჩატარდა 13-29 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,131 პირისპირ ინტერვიუს წარმომადგელობითი შერჩევის საფუძველზე. საშუალო ცდომილებაა 1.7%. NDI-ის კვლევები ფინანსდება დიდი ბრიტანეთის მთავრობის UK aid-ის მხარდაჭერით. საველე სამუშაოები ჩაატარა CRRC–საქართველომ.