ეროვნულ დემოკრატიული ინსტიტუტის ახალი კვლევის თანახმად, საქართველოში გამოკითხულთა 43% ამბობს, რომ ახლა უფრო ნაკლები ფინანსური შესაძლებლობები აქვს, ვიდრე 5 წლის წინ. 21% პასუხობს, რომ მეტი ფინანსური შესაძლებლობები აქვს 5 წლის წინანდელთან შედარებით, ხოლო 35% – იგივე. 2%-მა ამ კითხვაზე პასუხი არ იცის.
NDI-მ გამოკითხულებს ასევე ჰკითხა, მშობლების თაობასთან შედარებით, მათი თაობა ეკონომიკურად უარესად ცხოვრობს, იგივენაირად თუ უკეთესად.
- უკეთესად – 31%
- უარესად – 52%
- იგივენაირად – 14%
- არ ვიცი – 3%
საველე სამუშაოები ჩატარდა 13-29 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,131 პირისპირ ინტერვიუს წარმომადგელობითი შერჩევის საფუძველზე. საშუალო ცდომილებაა 1.7%.
NDI-ის კვლევები ფინანსდება დიდი ბრიტანეთის მთავრობის UK aid-ის მხარდაჭერით. საველე სამუშაოები ჩაატარა CRRC–საქართველომ.
