მთავარიUncategorizedხელისუფლების მუშაობა ორიენტირებულია საკუთარი კვლევის შედეგებზე და არა პოლიტიკურად ანგაჟირებულ...

ხელისუფლების მუშაობა ორიენტირებულია საკუთარი კვლევის შედეგებზე და არა პოლიტიკურად ანგაჟირებულ კვლევაზე – გია ვოლსკი NDI-ის კვლევებს ეხმაურება

Published on

რეალური სურათი იმ კვლევებშია დადებული, რომელიც ხელისუფლებას გააჩნია, – ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა, რითაც გამოეხმაურა NDI-ის კვლევის შედეგებს.

მისი განცხადებით, ხელისუფლების მუშაობა ორიენტირებულია მათსავე კვლევის შედეგებზე და არა იმ კვლევაზე, რომელიც მისი თქმით, პოლიტიკურად არის ანგაჟირებული.

“ყველა საკითხი, რომელიც გამოკითხვაშია ჩამოყალიბებული, ყოველდღიურად შეისწავლება სამთავრობო სტრუქტურების მიერ. თავად კვლევაზე ჩვენი დამოკიდებულება იცით. კვლევის შედეგები ხშირ შემთხვევაში დამოკიდებულია იმ საინფორმაციო ველზე, რომელიც ქვეყანაში იქმნება. რეალური სურათი, რასაკვირველია, იმ კვლევებშია დადებული, რომელიც ხელისუფლებას გააჩნია. შესაბამისად, მუშაობაც ამ კვლევებზეა ორიენტირებული და არა კვლევებზე, რომელიც ხშირ შემთხვევაში პოლიტიკურად არის ანგაჟირებული.

ჩვენი კვლევები ამბობს, რომ იგივე ინფრასტრუქტურის პროექტებში დიდი თანხების შემოტანა, რასაკვირველია, გამოიწვევდა დასაქმების ზრდას, თუმცა მიუხედავად პოზიტიური ტენდენციებისა მთავარი გამოწვევა მაინც დასაქმების თემა რჩება. სოციალურ თემებშია საკმაოდ სერიოზული პოზიტივები, მაგრამ ამასაც შენარჩუნება უნდა.

პრობლემებს არათუ ვგრძნობთ სახელისუფლებო გუნდი, არამედ ვითავისებთ პასუხისმგებლობსაც. უპასუხისმგებლო ხელისუფლება უკვე გვყავდა.

ხელისუფლება ვალდებულია ყოველგვარი კვლევის გარეშე ჰქონდეს ტენდენციების ზუსტი შეფასება და ანალიზი. ეს შეფასებები გვიჩვენებს ძირითადად მონაცემებს,” – განაცხადა გია ვოლსკიმ.

სიახლეები

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...

2026 წლის იანვარ-სექტემბერში საქართველოში ავტოსაგზაო შემთხვევას 315 ადამიანი ემსხვერპლა

2026 წლის იანვარ-სექტემბერში საქართველოში 46 082 ავტოსაგზაო შემთხვევა მოხდა - დაიღუპა 315, ხოლო დაშავდა...