პატრიოტთა ალიანსის აქციას მიერ ამერიკის საელჩოსთან ოპოზიციონერი პოლიტიკოსები და ანალიტიკოსები ეხმაურებიან. მათი შეფასებით, ეს ე.წ აქცია რეალურად “ქართული ოცნების” მიერ არის წახალისებული და ქვეყანაში ანტიდასავლური განწყობის შესუსტებასა და პროსრუსული განწყობების გაძლიერებას ემსახურება
რესპუბლიკური პარტიის წევრი დავით ბერძენიშვილი: ინაშვილი თარხან-მოურავი ესაა ბიძინა ივანიშვილის ქვედანაყოფი, რომელსაც 2016 წელს 5,01% გამოუწერა და დასვა პარლამენტში. ვინც არ უნდოდა, თავისუფალი დემოკრატები, ისინი 5%-ს ქვემოთ დატოვა. სრულიად გასაგებია, მანიპულირების საშუალება რაკი ჰქონდა ივანიშვილს, მან გამოიყენა ეს პრორუსული პოლიტიკური ძალის უკვე პარლამენტში შესაყვანადაც. ეს პირველი შემთხვევა არის დამოუკიდებელი საქართველოს ისტორიაში, კომუნისტების შემდეგ ასე ღიად დეკლარირებული ჯგუფი. რაც შეეხება ინაშვილის მივარდნას ხან კონფერენციაზე, ხან ამერიკის საელჩოსთან ეს არის მორიგი უნიჭო თამაშის გაგრძელება ივანიშვილის ხელისუფლებისა. ივანიშვილს არავინ დარჩა მის ორბიტაში მოთამაშე ირმა ინაშვილის გარდა. ”
ევროპული საქართველოს” წევრი სერგი კაპანაძე: “ყველა აქცია, რომელსაც “პატრიოტთა ალიანსი” ატარებს, იქნება ეს ყრილობები, მარშები, თუ ასეთი ტიპის აქციები რეალურად არის “ქართული ოცნების” პარტაქტივის მიერ ჩატარებული. ანუ, მონაწილეობს “ქართული ოცნების” პარტაქტივი, არის მათი დაფინანსება, ასევე აქვს მათი პოლიტიკური მხარდაჭერაც. არავინ მოვიტყუოთ თავი, ეს არის “ქართული ოცნების” ყველაზე პრორუსული ფრთის მიერ ჩატარებული აქცია. მათი მიზანი არის, რომ დასავლური იდეა დაზიანდეს საქართველოში, მაგრამ ეს ყველაფერი არ გამოუვათ, განწირული არის წარუმატებლობისთვის, რაც კარგად აჩვენა 20 ივნისის მოვლენებმა. “პატრიოტთა ალიანსის” ასეთი გააქტიურება ბილო პერიოდში არის გამოძახილი იმის, რომ 20 ივნისს ქართველმა ხალხმა ნათლად უთხრა პუტინს უარი, ეს მათ ყველაზე მეტად სტკივათ საქართველოში რუსეთის გაძლიერების შემცირების ერთადერთი გამოსავალი ხელისუფლების ცვლილებაა. ” სერგი კაპანაძის განცხადებით, ამის მისაღწევად ქვეყანა მშვიდად უნდა მივიდეს პროპორციულ არჩევნებამდე და შემდეგ უკვე “ქართული ოცნება” და მისი სატელიტები უნდა დამარცხდნენ.