”პორტის შესახებ მე გავიგე პარლამენტარ გრიშა ქობალიასგან”- განაცხადა ნიკა გვარამიასთან ეთერში ყოფნისას ,,ევროპული საქართველოს” ერთ-ერთმა ლიდერმა გიგი უგულავამ. ნიკა გვარამიას კითხვაზე, საიდან გაჩნდა ანაკლიის პორტის იდეა, უგულავამ უპასუხა, რომ ამის შესახებ მან პირველად სწორედ ქობალიასგან გაიგო. ”გახსოვთ ალბათ ყველას ჩვენი დეპუტატი იყო ცხონებული გრიშა ქობალია, სწორედ მისგან გავიგე ანაკლიის პორტის იდეაზე, ანუ, აქ ახალი არაფერია, ეს არის ძველი იდეა და კარგი პროექტია.ივანიშვილმა ყველაფერი გააკეთა, რომ არ აშენებულიყო ეს პორტი, თუმცა ხმამაღლა ამას ვერ ამბობს,,- განაცხადა უგულავამ.
2010 წელს ანაკლიის პორტი აქტუალური გახდა გახმაურებული პროექტის “ლაზიკის” სახელწოდებით. ანაკლიაში ქალაქის და პორტის მშენებლობა 2012 წელს უნდა დაწყებულიყო, თუმცა ეს პროექტიც განუხორციელებელი დარჩა. ანაკლიის ღრმაწყლოვანი პორტის მშენებლობა ბოლო წლების ყველაზე აქტუალური თემაა. პორტი, რომლის მშენებლობაც 2017 წელს დაიწყო,შეჩერებულია.