რას არ ურჩევს ირმა ინაშვილი ინგა გრიგოლიას და დგას თუ არა მუქარა მისი სიტყვების მიღმა ?

0
158

პატრიოტთა ალიანსის დეპუტატი ირმა ინაშვილი TV პირველის ეთერში, გადაცემა ,,რეაქციის” წამყვანის კითხვამ გააღიზიანა. ინგა გრიგოლიამ ინაშვილს ჰკითხა, რამდენად ემსახურება საქართველოს ინტერესებს თბილისის საერთაშორისო კონფერენციაზე დაურეგისტრირებლად მისვლა, სიტყვით გამოსვლა და ღონისძიების ორგანიზატორებისგან ბოდიშის მოხდის მოთხოვნა .

“ის კონტექსტი, რაზეც თქვენ საუბრობთ, რომ თურმე უამრავმა ადამიანმა ჩემს ქმედებაში დაინახა პუტინის და კრემლის გეგმები, ეს არ მიმაჩნია სწორად. იმიტომ, რომ საზოგადოებრივი განწყობები სულ სხვაა. საზოგადოების უმრავლესობა ნათლად ხედავდა დღეს, რომ არ მიეცა საშუალება კონფერენციაზე დასწრების, საქართველოს დეპუტატს და ამ შემთხვევაში მარტო მე კი არ შემიზღუდეს მონაწილეობის უფლება. მე როგორც ქართველი ხალხის წარმომადგენელს, შემდეგ ისე მიპასუხეს.

მე არავითარი პროვოკაცია არ მომიწყვია და ეს აბსურდია. საერთოდ არ ვაპირებდი მისვლას კონფერენციაზე. ნებისმიერ ორგანიზაციას აქვს უფლება, რომ თუნდაც დახურული კონფერენცია მოაწყოს”,

“ასე მგონია, რომ ახლა გრძელდება ბოკერიას სტილში საუბარი და ინგა ამას არ გირჩევთ”, – განაცხადა ირმა ინაშვილმა. რაზეც გრიგოლიას პასუხი ასეთია:

“არ მირჩევთ რას ნიშნავს” მე არ ვსაუბრობ ბოკერიას სტილში, მე გისვამთ იმ კითხვას, რაც მაქვს? – ინაშვილი კი ამბობს: –

“უბრალოდ არ გირჩევთ. არ მინდა ახლა ჩხუბი… არ გირჩევთ ამას, მე გეუბნებით, არ გირჩევთ… თქვენ არასწორად მიგყავთ ეს საუბარი, გესმით?

მე ვარ ირმა ინაშვილი და არ ვარ კრემლის აგენტი, გპასუხობთ როგორც ირმა ინაშვილი, საქართველოს მოქალაქე, საქართველოს პატრიოტი და ნუ ცდილობთ, როგორც გიგა ბოკერია, ჩემთვის იარლიყების მოკერებას– მიმართა ირმა ინაშვილმა ინგა გრიგოლიას პირდაპირ ეთერში.

კომენტარის დატოვება

Please enter your comment!
Please enter your name here