მთავარი არხის საინფორმაციო სამსახურის უფროსი ნოდარ მელაძე აცხადებს, რომ რუსთავი 2-ის გენერალური დირექტორის განცხადება ფეისბუქგვერდით ბოროტად სარგებლობის შესახებ სიმართლე არ არის. მისი თქმით, რუსთავი 2-ის ვებზე მომუშავე ყველა ყოფილი და მოქმედი თანამშრომელი, არის ამ გვერდის რედაქტორი. ის მოუწოდებს სალიას, შევიდეს ფუნქციებში და შეამოწმოს, რომ მას ლაივი არ გაუშვია.
მისივე თქმით, ტყუილია ისიც, რომ სალია გვერდის ადმინისტრატორის უფლების გადაბარებას უშედეგოდ ითხოვს.
“ამ დრომდე, არ მიმიღია არც ერთი ოფიციალური შეტყობინება, ვის, როდის და რა ფორმით უნდა გადავაბარო ეს გვერდი. არ მომსვლია არც სმს, არც წერილი, არც მეილი. შედგა მხოლოდ სატელეფონო კომუნიკაცია, ისიც ზოგადი შინაარსის ეიჩართან და პასუხიც მიიღო”, — აცხადებს ის.
ტელეკომპანია რუსთავი 2 – მა განაცხადა , რომ მათ ფეისბუქგვერდზე ჩნდება პოსტები, რომელსაც მომხმარებლები შეცდომაში შეყავს. კომპანია გულისხმობს მთავარი არხის პირდაპირ ეთერებსა და სიუჯეტებს, რომელიც მათ ფეისბუქგვერდზე ზიარდება.
რუსთავი 2-ის გენერალური დირექტორის, პაატა სალიას თქმით, მიუხედავად არაერთი კანონიერი მოთხოვნისა არხი ამ დრომდე ვერ ახერხებს ნოდარ მელაძისგან დაიბრუნოს ადმინისტრატორის უფლებები. მისივე თქმით, აღნიშნულის შესახებ უკვე ეცნობა სოციალური ქსელის ადმინისტრაციას და დაწყებულია შესაბამისი პროცედურები. სალია ფიქრობს, რომ მელაძის ქმედებები არის უპასუხისმგებლო და შესაძლოა შეიცავდეს კიბერდანაშულის ნიშნებს.
გუშინ, 10 სექტემბერს, დილას, სანამ მთავარი არხი ეთერში გავიდოდა მათირუსთავი სიუჟეტი 2 – ისფეისბუქგვერდზე გაზიარდა, თუმცა მალევე წაიშალა. არხის საინფრომაციო სამსახურის უფროსმა, ნოდარ მელაძემ განაცხადა, რომ ორივე ფეისბუქგვერდს ერთი ადამიანი მართავდა და გაზიარებისას შეცდომა დაუშვა.