მთავარისიახლეებიპოლიტიკაწრე ივანიშვილის გარშემო ვიწროვდება- ოლიგარქის საქმეები მსოფლიო მედიის კრიტიკის ობიექტი...

წრე ივანიშვილის გარშემო ვიწროვდება- ოლიგარქის საქმეები მსოფლიო მედიის კრიტიკის ობიექტი გახდა

Published on

საქართველოს ყოფილი პრემიერ- მინისტრი ბიძინა ივანიშვილი Credit Suisse-ის ხელმძღვანელობაზე ზეწოლას ახდენს – ამის შესახებ ინფორმაციას გავლენიანი შვეიცარიული გამოცემები ავრცელებენ.

როგორც BLICK-ი ქართველი მილიარდერის მხრიდან ბანკის ადვოკატებისთვის გაგზავნილ წერილზე დაყრდნობით იტყობინება, ოლიგარქისა და ყოფილი პოლიტიკოსის უფლებების დამცველები თითქმის 53 მილიონი ფრანკის ანაზღაურებას მკაცრად ითხოვენ.

შეგახსენებთ, Credit Suisse-ის პირადი ბანკირის პატრიკ ლესკადრონი უმსხვილესი კლიენტი ბიძინა ივანიშვილი იყო. სასამართლო მტკიცებულებების მიხედვით, ლესკადრონი ბიძინა ივანიშვილის ხელმოწერას სისტემატიურად აყალბებდა, რითიც უკანონო ფინანსურ ტრანზაქციებს ახორციელებდა. ლესკადრონმა აღიარა, რომ გაყალბებული ხელმოწერით 2008 წლიდან ახორციელებდა ფინანსურ ოპერაციებს.

ბიძინა ივანიშვილმა საქმეზე ერთადერთი კომენტარი 2016 წლის 14 ივნისს გააკეთა, მაშინ ივანიშვილი ამბობდა, რომ “თუ ყველაფერზე ისაუბრებდა” მას Credit Suisse-ისთვის სერიოზული ზიანის მიყენება შეეძლო.

“მე არ ვთვლი, რომ ის ფული მე დავკარგე, ის დაკარგა Credit Suisse-მა, რამეთუ კითხვები იქ ჩემს მიმართ არ არსებობს. აქ ყველაფერი გამჭვირვალეა, რომ ანგარიშიდან ფულია მოპარული ეს ელემენტარულად ბანკმა უნდა გადაფაროს და ბანკმა უნდა გადაიხადოს”, – 2016 წელს თქვა ივანიშვილმა.

ახლა კი, შვეიცარიული გამოცემები წერენ, რომ წერილი, რომელიც აგვისტოთი თარიღდება, ივანიშვილის ადვოკატებმა ვალდერ ვისის საადვოკატო ბიუროს გაუგზავნეს, რომელიც შვეიცარიული ბანკის უფლებებს იცავს.

მიმოწერაში ნათქვამია, რომ 53 მილიონი ფრანკის ოდენობის თანხა ბანკში 2009– 2015 შევიდა.

თავის მხრივ, შვეიცარიული საფინანსო ინსტიტუტი აცხადებს, რომ ის ამ საქმეში ერთ-ერთი დაზარალებულია. ჟენევის სასამართლომ დაადასტურა, რომ VIP – კლიენტების ყოფილმა მრჩეველმა შინაგანაწესი და შვეიცარიის კანონი დაარღვია. მან ბანკის კონტროლის სისტემის გასაყალბებლად სისხლის სამართლის ქმედებები ჩაიდინა. ის თაღლითურ საქმიანობას სხვა თანამშრომლებისგან ფარულად ახროციელებდა.

“Credit Suisse-სს’’ აქვს ნულოვანი ტოლერანტული მიდგომა თანამშრომელთა არასწორი ქმედებების მიმართ”, – განუცხადა Blick-ის ჟურნალისტს ბანკის პრეს-სპიკერმა ანნა ზექსტონმა.

საქართველოს ყოფილი პრემიერ-მინისტრის მიერ 53 მილიონის მოთხოვნაზე კი, ზექსტონმა აღნიშნა, რომ აღნიშნულ მოთხოვნას საფუძველი არ გააჩნია.

“როგორც ბანკის მიერ სავარაუდოდ მიღებული შემოსავლის ოდენობა, ასევე ამ კონტექსტში მოთხოვნილი თანხა უსაფუძვლოა’’.

აღსანიშნავია ისიც, რომ შვეიცარიული გამოცემა Finews-ის ცნობით, ბანკის ყოფილმა კლიენტებმა პრინციპით «name and shame» ინტერნეტში კამპანია დაიწყეს. კერძოდ ინტერნეტში «CS Victims» (Credit Suisse-ის მსხვერპლნი ) სახელით გვერდი გახსნეს, ასევე მათი პროტესტისა და შეშფოთების შესახებ განცხადებები გამოქვეყნდა “Financial Times”-შიც.

სიახლეები

ვანო ნადირაძე თბილისის ზღვის სასაფლაოზე დაკრძალეს

უკრაინაში დაღუპული ქართველი მებრძოლი თბილისის ზღვის სასაფლაოზე დაკრძალეს - ვანო ნადირაძე უკანასკნელ გზაზე ოჯახის...

პატიმრობა ჯარიმის გადაუხდელობის შემთხვევაში – ადმინისტრაციულ კოდექსში ცვლილებები შედის

ქართული ოცნების პარლამენტს ადმინისტრაციულ სამართალდარღვევათა კოდექსში დამატებითი ცვლილებები შეაქვს. ცვლილების საბოლოოდ დამტკიცების შემთხვევაში, ადამიანს ადმინისტრაციული...

ვულოცავთ დანიას ევროკავშირის საბჭოს თავმჯდომარედ დანიშვნას… მედი გვაქვს თქვენი ურყევი მხარდაჭერის-ზურაბიშვილი

სალომე ზურაბიშვილი დანიას ევროკავშირის თავმჯდომარედ დანიშვნას ულოცავს და იმედს გამოთქვამს, რომ დანია საქართველოს ევროპულ...

ოცნება სასამართლო სხდომებზე აუდიოჩანაწერების გაკეთებასაც ზღუდავს

ოცნება სასამართლო სხდომებზე აუდიოჩანაწერების გაკეთებასაც ზღუდავს. ამის შესახებ რიგგარეშე პლენარულ სხდომაზე ივანიშვილის დეპუტატმა, არჩილ...