მნიშვნელოვანია, რომ მთავრობას, რომელსაც დღეს დავამტკიცებთ, აქვს კონკრეტული ხედვა და გეგმა ყველა მიმართულებით, – ამის შესახებ ზუგდიდის მაჟორიტარმა დეპუტატმა მერაბ ქვარაიამ პარლამენტის პლენარულ სხდომაზე განაცხადა, სადაც მთავრობისთვის ნდობის გამოცხადების საკითხზე მსჯელობენ.
მისი თქმით, ქვეყანაში არსებული გამოწვევები რეალურია, ხოლო ამ გამოწვევებს კონკრეტული ქმედებები უნდა მოჰყვეს.
“მოსახლეობას აიტერესებს არა ოპოზიციის ცარიელი სავარძლები ამ დარბაზში და დესრუქცია, რომელსაც „ნაციონალური მოძრაობა“ და მისი ყველა განშტოება მუდმივად გვთავაზობს, არამედ ის, თუ როგორი იქნება ჩვენი ქვეყნის ხვალინდელი დღე, როგორი იქნება სიმშვიდის, ყოფითი ცხოვრებისა და განვითარების გარანტიები. ამიტომაც მნიშვნელოვანია, რომ მთავრობას, რომელსაც დღეს დავამტკიცებთ, აქვს კონკრეტული ხედვა და გეგმა ყველა მიმართულებით. გამოწვევები რეალურია და ამ გამოწვევებს კონკრეტული ქმედებები უნდა მოჰყვეს.“ -განაცხადა მერაბ ქვარაიამ .
აღნიშნულის შესახებ ინფორმაციას პარლამენტის პრესსამსახური ავრცელებს.
