საქართველოს პრეზიდენტის სალომე ზურაბიშვილის თქმით, ბიძინა ივანიშვილმა ხელისუფლებაში მოსვლა და ოპოზიციის გაერთიანება იმიტომ მოახერხა, რომ ფული ჰქონდა. ამის შესახებ ზურაბიშვილმა Madame Figaro-სთან ინტერვიუში ისაუბრა, რომლის თარგმანსაც პრეზიდენტის ადმინისტრაცია ავრცელებს
Madame Figaro: თქვენი კრიტიკოსები არ დაობენ თქვენს პრეზიდენტად არჩევაზე, თუმცა ხშირად მიუთითებენ იმ მხარდაჭერაზე, რომელიც ცნობილმა ბიზნესმენმა, უმდიდრესმა ბიძინა ივანიშვილმა აღმოგიჩინათ. კრიტიკოსთა აზრით, სწორედ ეს პიროვნება მართავს ქვეყანას. რას უპასუხებდით მათ?
წარსულში მე თვითონაც მოვიხსენიე ბიძინა ივანიშვილი ორლიგარქად. ის რუსეთში გამდიდრდა, ისევე, როგორც მიხეილ სააკაშვილის გარემომომცველ პირთა გარკვეული ნაწილი. საქართველოში ის დღეს ფილანტროპიულ საქმიანობასა და მეცენატობას ეწევა, მაგრამ ფულს არ აკეთებს, იმიტომ, რომ საქართველოში არ არის ისეთი გარემოებები, რომ მილიარდერი ან მილიონერი გახდე. რამდენად მნიშვნელოვანია ეს ადამიანი პოლიტიკურად? დიახ, ის მნიშვნელოვანია. ივანიშვილმა მოახერხა ხელისუფლებაში მოსულიყო (რედაქციის შენიშვნა : ივანიშვილი საქართველოს პრემიერ მინისტრი იყო 2012-დან 2013 წლამდე) და გაეერთიანებინა ოპოზიცია, რომლის რაოდენობაც იზრდებოდა. მან ეს ნამდვილად იმიტომ მოახერხა, რომ ფული ჰქონდა. ის დღესაც არის უმრავლესობის პარტიის სათავეში და შესაბამისად, გავლენაც აქვს.“- განაცხადა სალომე ზურაბიშვილმა.