“ცინიკური გადაწყვეტილებაა, როდესაც იას საქმის მთავარ ფიგურანტ გახარიას აწინაურებენ” – ბაჩანა შენგელია

0
509

მე-6 საჯარო სკოლის გარდაცვლილი დირექტორის ია კერზაიას შვილი გიორგი გახარიას პრემიერ-მინისტრად დანიშვნას სოციალურ ქსელში ეხმაურება. ბაჩანა შენგელია წერს, რომ მძიმე და ცინიკურია ის გადაწყვეტილება, რომ კერზაიას საქმის მთავარი ფიგურანტი დააწინაურეს.

“რა თქმა უნდა ძალიან მძიმე და ამავდროულად ცინიკური გადაწყვეტილებაა, როდესაც იას საქმის მთავარ ფიგურანტ – გიორგი გახარიას აწინაურებენ და ქვეყნის პრემიერად წარადგენენ. საქმის გამოძიების შეწყვეტა ზუსტად ამას ემსახურებოდა, რომ პარლამენტში მისი წარდგენისას არ დასმულიყო ზედმეტი კითხვები.

ამავდროულად ეს არის ქართველი ერისთვის სულში ჩაფურთხება, რადგან გავრილოვის ღამის მთავარი შემოქმედი და ახალგაზრდების თვალების დამთხრელი გახარია ქვეყნის პირველი პირი ხდება.

გასაგებია, ბატონი ივანიშვილი მიდის ვა-ბანკზე და ნებისმიერ ფასად ეცდება ხელისუფლების შენარჩუნებას ჩვენი ჯანმრთელობის, თავისუფლების და თუმდაც სიცოცხლის ფასად.

ან მოვიშორებთ ამ ხალხთმოძულე კრიმინალებს, ან ვიქნებით იმ ღრმა წუმპეში, რომელშიც უკვე ყოველდღიურად უიმედოდ ვიძირებით და ფიზიკურად ვიარსებებთ მანამ, სანამ იავნიშვილის ხელისუფლებას ჩვენი სიცოცხლე რამეში დასჭირდება!”- წერს ბაჩანა შენგელია

წინა სტატიამთავრი მიზეზი, თუ რატომ უნდა შესთავაზოს ევროკავშირმა საქართველოს გაწევრიანება, არის ის, რომ საქართველოს ტერიტორია ოკუპირებულია – ესტონეთის პრეზიდენტი
შემდეგი სტატია,,ხელისუფლება საბოლოოდ დაუპირისპირდა საკუთარ მოქალაქეებს” -გრიგოლ ვაშაძე გაერთიანებულ ოპოზიციის ყველა მხარდამჭერს მოუწოდებს დღეს, 7 საათზე პარლამენტის შენობასთან შეიკრიბონ
ტელეკომპანია ოდიშის საინფორმაციო სამსახური