ზუგდიდის ბოტანიკური ბაღის სარეკონსტრუქციო სამუშაოები მიმდინარე წლის ოქტომბრის ბოლოს დასრულდება. ამის შესახებ “ოდიშინიუსს” მუნიციპალური განვითარების ფონდში უთხრეს. როგორც უწყებაში განმარტავენ, ვადები არ გადაწეულა და სამუშაოების დასრულება ოქტომბრის ბოლოს იყო დაანონსებული. “ეს ცვლილებაც გამოიწვია იმან, რომ, იქ ადმინისტრაციული შენობის მთლიანი რეკონსტრუქცია მოხდა, ასევე ღობე თავიდან გაკეთდა, რაც პირველ პროექტში არ იყო, მხოლოდ ამან გამოიწვია ეს ცვლილება”- გვითხრეს უწყებაში.
ზუგდიდის ბოტანიკური ბაღის რეკონსტრუქცია 2018 წლის თებერვალში დაიწყო.ადგილზე სამუშაოებს საქართველოს მუნიციპალური განვითარების ფონდი ახორციელებს. პროექტი კი მსოფლიო ბანკის მიერ ადგილობრივი ბიუჯეტის თანამონაწილეობით ფინანსდება. სამუშაოების საერთო ჯამური ღირებულება 12 მილიონ ლარს შეადგენს