სამოქალაქო აქტივისტი მარიამ სიჭინავა ამბობს, რომ ზუგდიდის რაიონული სასამართლოს მიერ მიღებულ გადაწყვეტილებას, მისი დაჯარიმების შესახებ, არ ეთანხმება და მის გასაჩივრებას აპირებს. სასამართლომ სიჭინავა სტენსილის “გახარია წადი”-ს გამო 500 ლარით 1 აგვისტოს დააჯარიმა. ახალგაზრდებს, რომლებიც ზუგდიდში „გახარია წადი“ სტენსილებს აკრავდნენ, მერიის ზედამხედველობის სამსახურმა ოქმი გამოუწერა. “გახარია წადი” სტენსილის დახატვისთვის დაჯარიმებულმა მარიამ სიჭინავამ ზუგდიდის მუნიციპალიტეტის მერიაში განცხადება 8 აგვისტოს შეიტანა. სიჭინავა ამბობს, რომ ზედამხედველობის სამსახურის თანამშრომლებმა ზუსტად ის მუხლი დაარღვიეს, რითაც მას აქვს ბრალი წაყენებული.