გუშინ ღამით ანაკლიაში, ფესტივალ Echowaves-ის ტერიტორიიდან ზუგდიდის რეფერალურ ჰოსპიტალში ინტოქსიკაციის ნიშნებით სამი ახალგაზრდა შეიყვანეს.
როგორც საავადმყოფოში აცხადებენ, სამი ახალგაზრდა მამაკაცი მსუბუქად გამოხატული ინტოქსიკაციის ნიშნებით შეიყვანეს და სათანადო დახმარების შემდეგ სამივე უკვე გაეწერა. სამივე სხვადასხვა დროს შემოიყვანეს”
პროექტ “მანდალას” ერთ-ერთი ორგანიზატორის თემო ხატიაშვილის ინფორმაციით, ფესტივალის ტერიტორიაზე გაურკვეველი ნივთიერებით ინტოქსიკაცის ნიშნები 20-მდე ახალგაზრდას აღენიშნებოდა, თუმცა აქედან მხოლოდ სამს დასჭირდა საავადმყოფოში გადაყვანა.
არასამთავრობო ორგანიზაცია ” მანდალა” უკვე მეორე წელია ფესტივალის ტერიტორიაზე მუშაობს. ადგილზე ასევე მუშაობენ სასწრაფო დახმარების ჯგუფები.
შეგახსენებთ, რომ მუსიკალური ფესტივალი Echowaves ანაკლიაში 22 აგვისტოს გაიხსნა.