ზუგდიდი- თბილისის მიმართულებით მგზავრობა გაძვირდა. მგზავრებს 15 ლარის ნაცვლად უკვე 20 ლარის გადახდა უწევთ.”ოდიშინიუსს” მძღოლებმა მგზავრობის გაძვირება დაუდასტურეს და აღნიშნეს, რომ ფასის მომატება დოლარის გაძვირებამ გამოიწვია. “რა ვქნათ, სახლში არ წავიღოთ არაფერი? გაძვირდა დოლარი, საწვავი და აბა რა ვქნათ?”- გვითხრა ბახა ვეკუამ. მგზავრებისთვის მოულოდნელი და ასევე უკმაყოფილების მიზეზი აღმოჩნდა ხუთი ლარით გაძვირებული ბილეთის შეძენა.