“ყველაზე ძვირფასი ადამიანით მაშანტაჟებთ და აბსურდული საქმე აღძარით?! ტვ პირველს ვერ წაიღებთ!” – წერს წერეთელი.
“მესამე წელია, ყველაფერს აკეთებთ. ყველა გზა და მეთოდი ცადეთ, მაგრამ არაფერი გამოგივიდათ. ახლა ყველაზე ძვირფასი ადამიანით მაშანტაჟებთ და აბსურდული საქმე აღძარით?! კიდევ ერთხელ გეუბნებით – ტვ პირველს ვერ წაიღებთ! ვრჩებით გავლენების მიღმა – მოვლენების შუაგულში. სანამ ცოცხალი ვარ, ჩვენი არხი არ გაითიშება და არც არანაირ ტრენდზე დაჯდება. მამა – ავთო წერეთელი არის ჩვენი თანამოაზრე ამ ბრძოლაში. ასე ეხმაურება. ტვ პირველის დამფუძნებელი ვატო წერეთელი მისი მამისთვის ავთანდილ წერეთლისათვის ბრალის წარდგენას.
მისივე თქმით, ავთანდილ წერეთელი, რომელიც პროკურატურამ დღეს 18 საათზე დაიბარა დაკითხვაზე, ამჟამად საქართველოში არ არის და 29 აგვისტოს, დაბრუნებისთანავე მივა პროკურატურაში.
ვატო წერეთლის თმით, TV პირველთან დაკავშირებით იყო კონკრეტული შემოტევები და ამიტომ ტელევიზია არის და კვლავ დარჩება დამოუკიდებელი, ყოველგვარი გავლენის მიღმა, – “ამიტომ ჩვენ ყოველთვის ველოდებით, რომ იქნება შემოტევები” .
ბიზნესმენ ავთანდილ წერეთელს ბრალი დღეს წარუდგინეს. მთავარი პროკურატურა მას, თიბისი ბანკის დამფუძნებლებისათვის უკანონო შემოსავლების ლეგალიზებაში დახმარებას ედავება, რასაც თან ახლდა განსაკუთრებით დიდი ოდენობით შემოსავლის მიღება. უწყებაში ამის შესახებ რამდენიმე წუთის წინ გამართულ ბრიფინგზე გამოცხადდა.