წუხანდელი ხანძრის შემდეგ, „გალერეა თბილისი“ ამ დრომდე პარალიზებულია. ჯერჯერობით გაურკვეველია, როდის განაახლებს ფუნქციონირებას სავაჭრო ცენტრი.
,, ამ ეტაპზე მიმდინარეობს მიზეზების მოკვლევა, სისტემების შემოწმება და დღის განმავლობაში ვაცნობებთ საზოგადოებას, თუ როდის განვაახლებთ მუშაობას.. უახლოეს რამდენიმე საათში აუცილებლად გვეცოდინება, როდის გავიხსნებით, იმედია, ეს დღის განმავლობაში მოხდება, თუმცა ჯერჯერობით ზუსტ ინფორმაციას ვერ მოგცემთ” – აცხადებს ,, გალერია თბილისის” საზოგადოებასთან ურთიერთობის მენეჯერი ქეთა ახობაძე.
მისი თქმით „გალერია თბილისში” უსაფრთხოების მიზნით სისტემების შემოწმება მიმდინარეობს .
,,ჯერჯერობით იმის თქმა შეგვიძლია ,გალრიას ტექნიკურ სივრცეში სავენტილაციო სისტემის დანადგარს გაუჩნდა ალი. რომელიც ძალიან სწრაფად ჩააქრო ტექნიკურმა სამსახურმა, თუმცა დააკვამლიანება გრძელდებოდ.ძალიან სწრაფად მოხდა შენობაში მყოფი ადამიანების ევაკუაცია და საბედნიეროდ, არავინ დაშავებულა, ასევე, არ დაზიანებულა ქონება”- აცხადებს ქეთა ახობაძე
ხანძარი სავაჭრო ცენტრ „ გალერეა თბილისში“ გვიან ღამით გაჩნდა. არსებული ინფორმაციით, ცეცხლის ერთ-ერთ გამწოვს მოედო, რის შემდეგაც კვამლი მთლიან შენობაში გავრცელდა. შენობიდან ხალხის ევაკუაცია სწრაფად განხორციელდა. მთელი ღამის განმავლობაში ადგილზე საპატრულო, სახანძრო და სასწრაფო დახმარების ეკიპაჟები იყო მობილიზებული.