რაულ ხაჯიმბა: საქართველო როდისმე მივა იქამდე, რომ ურთიერთობა ჩვენთან უნდა აშენოს როგორც დამოუკიდებელ ქვეყანასთან

0
338

ოკუპირებულიაფხაზეთის დე ფაქტო პრეზიდენტი რაულ ხაჯიმბა აცხადებს, რომ მისითქმით, ე,წ ხელისუფლება ცდილობს, რუსეთის დახმარებით მოაწესრიგოს ჯანდაცვის, განათლებისა და ეკონომიკის სფეროში არსებული პრობლემები. ასე ეხმაურება იგი საქართველოს ხელიუფლების მიერ შექმნილ პროგრამებს, რომლითაც ოკუპირებული ტერიტორტიების მოსახლეობა სარგებლობს. მისი თქმით, ყველაფერი გაკეთდება იმისთვის, რომ , ესპრობლემებითავად მოაგვაროს, რათა შემცირდეს საქართველოს ხელისუფლების გავლენა მოსახლეობაზე.

რაც შეეხება ეკონომიკურ ურთიერთობას, ხაჯიმბას თქმით, არავინ უარყოფს, რომ აფხაზეთის ტერიტორიაზე მაცხოვრებლებს ეკონომიკური ურთიერთობა აქვთ საქართველოსთან. საქართველოდან შეაქვთ პროდუქცია, როგორც პირადი მოხმარებისთვის, ასევე, კომერციული მიზნებისთვისაც. ხაჯიმბამ მაგალითად იაპონია და რუსეთი მოიყვანა და განაცხადა, რომ იმისდა მიუხედავად რომ ამ ქვეყნებს შესაბამისი შეთანხმება არ აქვთ, ეკონომიკური ურთიერთობა ვითარდება.

„ჩვენ არ ვამბობთ, რომ ჩვენ ჩაკეტილი საზოგადოება ვართ, მაგრამ არის პროცესები, რომლებიც უნდა გადაწყდეს საქართველოსა და აფხაზეთს შორის. ქართულმა მხარემ უნდა გაიგოს, რომ აფხაზეთი დამოუკიდებელი სახელმწიფოა, თუ ჩვენ გვინდა ეს ურთიერთობები, საქართველომაც უნდა გადაწყვიტოს ეს საკითხი იმის გაგებით, რომ არსებობს დამოუკიდებელი სახელმწიფო, რომელსაც აქვს თავისი ეკონომიკური ინტერესები, ხელი არ შეგვიშალოს განვითარებაში, არ შექმნას დაბრკოლებები.

როგორც კი აფხაზეთში რაიმე საკითხის გადაწყვეტა შესაძლებელი ხდება, საქართველო მაშინვე მთელ მსოფლიოს უყვირის, რომ ეს არ უნდა მოხდეს და არ უნდა შევიდეს ინვესტიციები აფხაზეთში საქართველოს გვერდის ავლით, მაგრამ ეჭვი არ მეპარება, რომ საქართველო როდისმე მივა იქამდე, რომ საჭირო იქნება ჩვენთან ამ ურთიერთობის აშენება, როგორც დამოუკიდებელ ქვეყანასთან. ეს ურთიერთობა იქნება როგორც ორი დამოუკიდებელი სახელმწიფოს ურთიერთობა. ჩვენ მეზობლები ვართ.“- განაცხადა რაულ ხაჯიმბამ.

კომენტარის დატოვება

Please enter your comment!
Please enter your name here