აგვისტოს ომში დაღუპული ზუგდიდელი კაპრალის სერგეი გოროზიას დედას სკეიტ-პარკში დადგმული 2008 წლის აგვისტოს ომში დაღუპულთა მემორიალი არ მოსწონს. მზია გოროზიამ “ოდიშინიუსს” განუცხადა, რომ ხვალ, მემორიალის გახსნაზე ოფიციალურადაა მოწვეული, სადაც საჯაროდ დააფიქსირებს საკუთარ აზრს და იტყვის, თუ რატომ არის შეურაცხმყოფელი ეს მემორიალი მეომრებისთვის.
რაც შეეხება ზუგდიდის მუნიციპალიტეტის მერიას, აცხადებენ, რომ მათთვის მოულოდნელია მზია გოროზიას პრეტენზიები, რადგან მის შენიშვნებზე შეთანხმება რამდენიმე დღის წინ შედგა.
აგვისტოს ომში დაღუპულთა მემორიალისთვის მერიამ 14 ათას 984 ლარი დახარჯა.მემორიალის ოფიციალური გახსნა ხვალაა დაგეგმილი.