საარჩევნო კანონმდებლობის რეფორმის სამუშაო ჯგუფი დღეს მორიგ შეხვედრას გამართავს.
საარჩევნო კანონმდებლობის ძირითადი რეფორმა 2020 წლიდან პროპორციულ საარჩევნო სისტემაზე გადასვლას უკავშირდება. მსჯელობის საგანია პარტიების დაფინანსების და მისი გამჭვირვალობის საკითხიც. განხილვის თემაა მათ შორის, უფასო საეთერო დროის განაწილება, ე.წ. სიჩუმის დღისა და საარჩევნო უბნების გარშემო რადიუსის დაცვის საკითხი.
სამუშაო ჯგუფის ფარგლებში მსჯელობა ეუთო/ოდირის-ის მიერ წარმოდგენილი 27 რეკომენდაციის კონტექსტში მიმდინარეობს და როგორც მმართველი გუნდის წევრები აცხადებენ, განხილვა გაიმართება თითოეულ პუნქტთან დაკავშირებით.
სამუშაო ჯგუფმა, რომლის შემადგენლობაშიც პოლიტიკური პარტიების, ხელისუფლების ორგანოებისა და არასამთავრობო ორგანიზაციების წარმომადგენლები და საერთაშორისო პარტნიორები შედიან, მუშაობა მიმდინარე წლის ივნისში დაიწყო.