ზუგდიდის საკრებულოს ადამიანის უფლებათა და იურიდიულ საკითხთა კომისიის თავმჯდომარე სანდრო სორდია საზოგადოებრივი თავშეყრის ადგილას საფარველის მოზაიკური ხატის განთავსებას ეწინაარმდეგება. მისი თქმით, ეს არ არის უმრავლესიობის აზრი და მისი ინიციატივაა, რომ ფრესკა განთავსდეს საკულტო ძეგლების სიახლოვეს და ერთ-ერთ შესაძლო ვარიანტად მაცხოვრის კარის ეკლესიის ტერიტორიას ასახელებს:“ჩემი სუბიექტური აზრია, რომ საზოგადოებრივი თავშეყრის ადგილებში, ცენტრალურ მოედანზე, სადაც სხვადასხვა ღონისძიებები იმართება, შეკრებები, არ არის მიზანშეწონილი რელიგიური ობიექტის განთავსება. პატივს ვცემ ყველა რელიგიას, მითუმეტეს მართლმადიდებლობას, რომელმაც უდიდესი როლი აქვს  საქართველოს ისტორიაში, თუმცა ვფიქრობ, რომ მოზაიკა აქ არ უნდა იდგას. მიმაჩნია და ერთი ალტერნატივა შეიძლება იყტოს მერაბ კოსტავასა და ზვიად გამსახურდიას ბიუტების დადგმა ასეთ თვალსაჩინო ადგილას“- განაცხადა საკრებულოს სხდომაზე სანდრო სორდიამ. საკრებუყლოს თავმჯდომარე მამუკა წოწერია თვლის, რომ ამ საკითხზე საჯარო შეხვედრები უნდა გაიმართოს და მხოლოდ ამის შემდეგ მოხდეს ადგილის განსაზღვრა.