თბილისის საქალაქო სასამართლოში ნიკა გვარამიას დაკითხვა დასრულდა. “რაც ვიცოდი და რაც მახსოვდა, განვმარტე, რაც არ ვიცი, ან არ მახსოვს, ვუთხარი, რომ არ ვიცი”- განაცხადა გვარამიამ.
„კითხვები აქვთ ჩვენს სამეწარმეო საქმიანობასთან დაკავშირებით, რაც ძირითადად ჩემს კომპეტენციას არ ეხება და ღრმად ფინანსურია, რომელსაც ვერაფრით გადავწყვეტ, იმიტომ რომ წარმოდგენაც კი არ მაქვს ამ საკითხებზე.
შთაბეჭდილება პროკურორებისგან და მოსამართლეებისგან აბსოლუტურად ნორმალურია. დამაკავებენ თუ არა, ეს მათზე არ არის დამოკიდებული, დამიჯერეთ. საქმე არის სრულიად აბსურდული. აქ დავა რომც იყოს, სისხლის სამართლებრივი კუთხით ამაზე დავა სრულიად აბსურდია“, – განაცხადა გვარამიამ.