გალის რაიონის სოფელ საბერიოში 2019 წლის 23 ივლისს აფხაზეთის საოკუპაციო რეჟიმისა და რუსეთის ფედერალური უშიშროების სამსახურის სასაზღვრო ძალების წარმომადგენლებმა, დააკავეს 1968 წელს დაბადებული, საქართველოს მოქალაქე ალექსანდრე კაპანაძე. საოკუპაციო რეჟიმის გალის სასამართლომ კაპანაძეს ორთვიანი წინასწარი პატიმრობა შეუფარდა. მას საოკუპაციო რეჟიმი ე. წ. საზღვრის უკანონო გადაკვეთაში ადანაშაულებს. სახელმწიფო უსაფრთხოების სამსახურში უკანონო დაკავების ფაქტს ადასტურებენ, უწყების ინფორმაციით, მოქალაქე კაპანაძე დაკავებულია ე.წ. საზღვრის უკანონო კვეთის ბრალდებით, ამოქმედებულია ცხელი ხაზი, ინფორმირებულია ევროკავშირის სადამკვირვებლო მისია. მიმდინარეობს მუშაობა მის გასათავისუფლებლად.