შეკვეთილში ივანიშვილის რეზიდენციიდან პოლიციაში ხმაურთან დაკავშირებით შეტყობინების გამო პოლიცია გამოძიებას აწარმოებს. საპროტესტო აქცია „გააღვიძე ოლიგარქის“ აქტივისტები ამის გამო პოლიციაში გამოკითხვაზე დაიბარეს.
გამოძიება არკვევს რამდენად გაუსაძლისი იყო აქციის მონაწილეთა ხმაური იქ მცხოვრებელთათვის და ირღვეოდა თუ არა ამით მოქმედი კანონმდებლობა. გუშინ გამოკითხა სამი ადამიანი, წუხელ – ხუთი. სავარაუდოდ, გამოკითხვები გაგრძელდება.
გამოკითხვის პროცესს აკვირდებოდა საია-ს აჭარის ოფისს წარმომადგენელი, რომლის განცხადებით, ხმაური, რომელიც თან ახლავს აქციას არ არის კანონდარღვევა და ის მთლიანად ჯდება გამოხატვის თავისუფლების ჩარჩოებში