მერიაში რეორგანიზაციის შედეგად საშტატო ნუსხა 285-ით განისაზღვრება, შედეგად კი 171 ათასი ლარი გამოთავისუფლდება -ამის შესახე საკრებულოს სხდომაზე ცნობილი მას შემდეგ გახდა, რაც ადამიანის უფლებათა და იურიდიულ საკითხთა კომისიის თავმჯდომარე სანდრო სორდიამ საკრებულოს წარუდგინა ახალი პროექტი.
პროექტის მიხედვით, ერთიანდება საფინანსო და შესყიდვების სამსახური. ზუგდიდის მერის, გიორგი შენგელიას განმარტებით, მცირდება ხელმძღვანელ პირთა შტატებიც, რაც თანხების დაზოგვის მიზნით მოხდა. ასევე პროტოკოლისა და საზოგადოებასთან ურთიერთობის განყოფილებებიც გაერთიანდება. დაგეგმილია სპორტისა და ახალგაზრდულ საქმეთა განყოფილებების გაერთიანებაც, არქიტექტურისა და ინფრასტრუქტურის სამსახურების შერწყმაც.