ჯვარი-მესტიის ცენტრალურ გზაზე წუხელ, გვიან ღამით ავარია მოხდა. ავტომობილი ლახანის მონაკვეთთან გზის სავალი ნაწილიდან გადავიდა და ხევში გადავარდა. ავტოსაგზაო შემთხვევის სავარაუდო მიზეზი უამინდობა გახდა.
გარდაცვლილია ჩინელი ტურისტი. როგორც ირკვევა, იგი საქართველოში ერთი თვის წინ ჩამოვიდა და სხვადასხვა რეგიონში მოგზაურობდა. მაშველებმა ცხედარი ხევიდან ღამითვე ამოასვენეს და პროზექტურაშია გადასვენებული.
გამოძიება სისხლის სამართლის კოდექსის 276-ე მუხლით დაიწყო.