დღეს სამხრეთ კორეის თავდაცვის სამინისტრომ გაავრცელა განცხადება იმის შესახებ, რომ მათმა სამხედრო თვითმფრინავმა რუსული სადაზვერვო თვითმფრინავის მიმართ გამაფრთხილებელი გასროლა განახორციელა.
რუსულმა ხომალდმა სამხრეთ კორეის საჰაერო სივრცე ორჯერ გადაკვეთა, რასაც მათი მხრიდან ტყვიამფრქვევის 360 რაუნდის გასროლა მოჰყვა.- ნათქვამია უწყების განცხადებაში.
ეს მხოლოდ გამაფრთხილებელი გასროლა იყო, მაგრამ თუ მსგავსი რამ განმეორდება, უფრო მკაცრი ზომები იქნება მიღებული. – დაემუქრა უწყების მაღალჩინოსანი რუსეთს
.მისივე თქმით, ქვეყნის საჰაერო სივრცე სამმა რუსულმა და ორმა ჩინურმა ხომალდმა დაარღვია
რუსეთი სამხრეთ კორეის საჰაერო სივრცის დარღვევას უარყოფს. მათი თქმით რუსული თვითმფრინავები ნეიტრალური წყლების თავზე დაფრინავდნენ. ისინი სამხრეთ კორეის მხრიდან გამაფრთხილებელი გასროლის ფაქტსაც უარყოფენ.
ჩინეთში მომხდარზე კომენტარი ჯერ-ჯერობით არ გაუკეთებიათ.
ეს რუსეთსა და სამხრეთ კორეას შორის პირველი მსგავსი შემთხვევაა.
შემთხვევა სამხრეთ კორეასა და იაპონიას შორის სადავო კუნძულების თავზე მოხდა.