მთავარისიახლეებიპოლიტიკაპარლამენტთან განვითარებული მოვლენებთან დაკავშირებით ირაკლი ოქრუაშილი დაიკითხა

პარლამენტთან განვითარებული მოვლენებთან დაკავშირებით ირაკლი ოქრუაშილი დაიკითხა

Published on

თავდაცვის ყოფილი მინისტრი გამოკითხვაზე 20-21 ივნისს განვითარებულ მოვლენეთან დაკავშირებით დაიბარეს.  მან უარი თქვა შსს-ში გამოკითხვაზე და დღეს ჩვენება მაგისტრი მოსამართლის თანდასწრებით მისცა. ოქრუაშვილი  საქალაქო სასამართლოში, მოწმის სტატუსით დაიკითხა.

 თავდაცვის ყოფილმა მინისტრმა იმ კითხვებზე ისაუბრა, რომელიც მას დაკითხვის პროცესში დაუსვეს. ოქრუაშვილის თქმით, ის კარგ განწყობაზე იმყოფებოდა და კითხვებსაც ნახევრად ხუმრობით პასუხობდა.

„საკმაოდ კარგ, სახუმარო ხასიათზე ვიყავი და შესაბამისად, კითხვაზე, ვაპირებდი თუ არა პარლამენტში შესვლას და რა მიზნით ვაპირებდი, ვუპასუხე, რომ ვაპირებდი, რადგან 2003 წლის არჩევნების შედეგად გავხდი დეპუტატი და სამი თვის განმავლობაში, სანამ პროკურორობის გამო პარლამენტი უფლებამოსილებას შემიწყვეტდა, ხელფასი მქონდა ასაღები და ამ მიზნით ვაპირებდი. მათ მითხრეს, რომ რატომ ვაპირებდი წინიდან და მე ვუთხარი, რომ წინიდან იმიტომ ვაპირებდი, რომ მეგონა, რომ ბუღალტერია წინიდან იყო. მერე მითხრეს პოლიციელებმა, რომ არა, გვერდიდან არისო და ამიტომ გვერდიდან წავედი. ბოლოს პასუხი მივიღე, რომ ხელფასს არ მოგცემთო,“- განაცხადა ოქრუაშვილმა.

ოქრუაშვილის თქმით, ერთადერთი აზრიანი შეკითხვა, რომელიც მას  დაუსვეს, ეხებოდა იმას, თუ რას მოიმოქმედებდა თუკი ხალხი პარლამენტის შენობაში შესვლას მოახერხებდა, რაზეც მან ძალიან კონკრეტული პასუხი გასცა.

„ერთადერთი აზრიანი კითხვა მდგომარეობდა შემდეგში, რას მოვიმოქმედებდი, თუ ხალხი პარლამენტში შევიდოდა. ძალიან მარტივი პასუხია, ხალხს პარლამენტში შევყვებოდი იმის გამო, რომ რაიმე სახის გართულება უფრო მეტი არ მომხდარიყო. შემდეგი მეტნაკლებად იურიდიული, აზრიანი კითხვა იყო ის, რომ იცით თუ არა, რომ პარლამენტში შესვლას სპეციალური ნებართვა სჭირდება. რა თქმა უნდა, ვიცი, რომ პარლამენტში შესვლას სპეციალური ნებართვა სჭირდება. რაიმე სახის მოლაპარაკებები, ან კონსულტაციები, პოლიტიკური მოთხოვნები შეჯერებასთან დაკავშირებით იყო თუ არა, ბუნებრივია, ვუპასუხე, რომ იყო და ერთად შევჯერდით ყველაფერზე. სამი მაღალჩინოსნის გადადგომა იყო ერთად შეჯერებული პოლიტიკოსებს შორის, მეტი განსაკუთრებული არაფერი არ ყოფილა,“- განაცხადა ოქრუაშვილმა.

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...