ვაშლიჯვარში, 158-ე სკოლის მიმდებარე შენობაში, 25-მდე დევნილი და სოციალურად დაუცველი ოჯახი შეიჭრა
საუბარია იმ პირებზე, რომლებიც რამდენიმე თვის წინ საცხოვრებელ კომპლექს “დირსიში” შეიჭრნენ და ბინები დაიკავეს.
მათ ტერიტორიის დატოვება მაშინდელმა ჯანდაცვის მინისტრმა დავით სერგეენკომ სთხოვა და პრობლემის გადაჭრის გზებზე მოლაპარაკება შესთავაზა.
დევნილები ამბობენ, რომ მას შემდეგ, რაც სერგეენკო ეკატერინე ტიკარაძემ შეცვალა, მათთან მოლაპარაკებაც აღარ გამართულა.
დღეს ამ ოჯახებმა ჯანდაცვის სამინისტროსთან მინისტრ ტიკარაძესთან შეხვედრის მოთხოვნით აქცია გამართეს, შემდეგ კი შემდეგ კი შენობაში გადაინაცვლეს.
მათი თქმით, ისინი აღნიშნულ შენობას მანამდე არ დატოვებენ, სანამ შესაბამისი ფართებით არ დაკმაყოფილდებიან.
“სად წავიყვანო? მეხალისება აქ რომ მყავს 2 თვის ბავშვი? ჩემს შვილთან ერთად საცხოვრებელი ფართი მომეცით. აქედან არცერთი ოჯახი არ გავალთ, ვიქნებით აქ. დაგვეცემა თავში რამე, თუ რაც იქნება, ყველა ერთად მოვკვდებით” – აღნიშნა ერთ-ერთმა შენობაში შეჭრილთგან.
ადგილზე იმყოფებოდა ჯანდაცვის სამინიტროს დევნილთა საკითხების დეპარტამენტის ხელმძღვანელი. მისი ტქმით, ერთ-ერთი შეჭილი ოჯახი სახელმწიფოს მხრიდან ფართით უკვე დაკმაყოფილებულია ხოლო, დანარჩენებს შესამისი სამსახურები დაეხმარებიან და გაესაურებიან.